ന്യൂഡെൽഹി :  പാർലിമെന്റിലും ചെങ്കോട്ടയിലും ബോംബ് സ്ഫോടനം നടത്തുമെന്ന ഭീഷണിയുമായി ഖലിസ്ഥാൻ തീവ്രവാദികൾ. പാർലമെന്റിന്റെ വർഷകാല സമ്മേളനം ഇന്ന് തുടങ്ങാനിരിക്കെയാണ് ഖാലിസ്ഥാൻ തീവ്രവാദ സംഘടനയായ സിഖ് ഫോർ ജസ്റ്റിസിന്റെ പേരിലുള്ള പേരിലുള്ള സന്ദേശം എന്നത് ശ്രദ്ധേയമാണ്.   മലയാളി രാജ്യസഭാ എംപിമാരായ വി.ശിവദാസിനും എ.എ.റഹിമിനുമാണ് സന്ദേശം ലഭിച്ചതെന്നതും കൗതുകകരമാണ്.

 ഇന്ത്യൻ ഭരണാധികാരികൾക്ക് കീഴിൽ സിഖുകാർ ഭീഷണി നേരിടുകയാണെന്നും ഖാലിസ്ഥാൻ ഹിത പരിശോധന സന്ദേശം ഉയർത്തി പാർലമെന്റ് മുതൽ ചെങ്കോട്ട വരെ ബോംബിട്ട് തകർക്കുമെന്നുമുള്ള സന്ദേശം, ഞായറാഴ്ച രാത്രി 11.30 ഓടെയാണ് ജിഒകെ പട്‌വൻ സിംപന്നു, സിഖ് ഫോർ ജസ്റ്റിസ് ജനറൽ കൗൺസിൽ എന്ന പേരിൽ ലഭിച്ചത്. അത് അനുഭവിക്കേണ്ടെങ്കിൽ എംപിമാർ വീട്ടിലിരിക്കണമെന്ന ഭീഷണിയും സന്ദേശത്തിലുണ്ട്.

Also Read

സ്ഥാനാർത്ഥികളെ പ്രഖ്യാപിച്ച് റിപ്പബ്ലിക്കൻ പാർട്ടി : ട്രംപും ജെ.ഡി.വാൻസും സ്ഥാനാർഥികൾ

സന്ദേശം ലഭിച്ച  എംപിമാർ ഡൽഹി പൊലീസിന് ഉടൻ വിവരം കൈമാറിയതിനാൽ, ഉദ്യോഗസ്ഥർ സ്ഥലത്തെത്തി മൊഴി രേഖപ്പെടുത്തിയിട്ടുണ്ട്.

ഭീഷണിയെത്തുടർന്ന് പാർലമെന്റിൽ സുരക്ഷ കൂടുതൽ ശക്തമാക്കി.